దీపావళీ అరిసెలు

అందరికీ దీపావళి శుభాకాంక్షలు.

అమ్మయ్య! ఇప్పుడే జంతికలూ, కజ్జికాయలూ, 7 cups sweet, నేనూ మా అమ్మాయీ కలిపి చేసి అలసి సొలసి కూర్చున్నాం.

ఈ సందర్భంగా ఒక విషయం గుర్తు వచ్చింది.

అప్పుడు నా వయస్సు 20. సంక్రాంతి వచ్చింది, మా అత్తగారు ఊరు వెళ్ళారు. నా ప్రతాపం నిరూపించుకుందుకు ఇదే అదనని భావించి, పొద్దున్నే పాలు పోసే దుర్గ సాయంతో అరిసెలు చేసేను,(చేస్తుంటే చూసాను, మరీ బాగుండదని పించినప్పుడు కొద్దిగా చెయ్యి వేసాను) అమ్మయ్య! అరిసెలు అయిపోయాయి చెయ్యడం, మరి combination గా జంతికలుండద్దూ! ఉండాలుండాలి, అంతే బుఱ్ఱకి హుషారెక్కువై 2 kg జంతికల పిండి ఎలాగోలా కలిపాను.

ఒక అంకం అయ్యిందా! మామూలుగా జంతికలు చేసేస్తే జయలక్ష్మి ఎలా అవుతుంది? ఇప్పుడుంది మజాక్ అంతా..........

మా వారు college కి వెళ్ళగానే మొదలెట్టబోయాను! టక్ టక్ టక్....... తలుపు కొడుతున్నారెవరో. తీరా చూద్దును కదా, పాఠానికి వీణ నేర్చుకుందుకు students, ఆ పట్టు పట్టూ 7 దాకా lessons. మళ్ళీ ఆశ తీరక మొదలెట్టి ఒక్కటే ఒక్క జంతిక చేసాను, ఇంతలో పిల్లలు ఆట నుండీ మా వారు college నుండి వచ్చేసారు. ఇక వంటలూ భోజనాలూ ఏర్పాటు చెయ్యాలి కదా!

ఈ పిండి గుదిబండ అయి కూర్చుంది, అది కంటికి కన్పిస్తే కదా బాధ! వెంటనే అంత పిండినీ bucket లో వేసి బోరింగ్ కొట్టి నిండా నీళ్ళు కలిపి ఆ పిండి నీళ్ళని మోరీలో పోసి బాత్రూం కడిగాను. వెంఠనే గుర్తు వచ్చింది కింద వాళ్ళింటి ముందు వున్న open కాలువలో ఈ శనగపిండి నీళ్ళు ప్రవహిస్తే, ఆవిడ చూసి మా అత్తగారికి చెప్తారని, ఇహ చూసుకోండీ నీళ్ళు కొట్టీ కొట్టీ కాలవ అంతా clean గా clear గా అయ్యేదాకా ఒక 15 buckets నీళ్ళు కొట్టి తోటకూర కాడై పోయి
వంట చేసి భోజనాలు పెట్టి పడుకున్నా.

కొన్ని రోజులు దాని జోలికెళ్ళనని ఒట్టేసుకున్నా.

ఇప్పడైతే ఆ పిండి అంతా pack చేసి trash లో గుట్టు చప్పుడు కాకుండా పడేశేదాన్ని. అనుభవరాహిత్యము/ అమాయకత్వం కలగలపు.

ఇప్పుడు ఇంట్లో చేస్తే కదా, మేమిద్దరమే, స్వగృహ దర్శించు కోడమే.

అంతా కళ్ళ ముందు రీలు తిరిగింది.